تبحَثُ الفارة عن أكواز الصنوبر لتأكُلها. ولكن مَن المَخلوق العجيب الذي يترُك أشهى جزء من الكوز ويأكُل الباقي؟!
في آب/أغسطس 2020، بينما كُنا على وَشَك أن نبدأ برنامجنا، هزَّ انفجارُ مرفأ بيروت المدينة. قصّة الفارة والسنجاب هي قِصّة صداقة غريبة، مُستَوحاة من أحداث الانفجار ومِن حريق لحِق بغابة بعبدا في 2014.
كان يا ما كان في زمن غير هالزمان
بغابة الصنوبر والسنديان
والبطم والبلوط والوزال
بغابة بعبدا في لبنان
عاشت بسعادة حيوان
اسمها فارة الحقل
بيوم من هالأيام،
كانت فارة الحقل عن تفتش عل كواز صنوبر
sniff sniff sniff
شمت كوز
ركضت تاكلوا بس كان مأكول 😮
و الراس متروك
يا ترا مين هالفارالعجيب/غريب الي تارك أطيب شقفة بالكوز؟
Nom nom nom
أكلت الراس وراحة تفتيش ع كوز ثاني
sniff sniff sniff
شمت كوز
ركضت تاكلوا بس كان مأكول 😮
و الراس متروك
يا ترا مين هالفار العجيب العجيب الي تارك أطيب شقفة بالكوز؟
Nom nom
أكلت الراس وراحت تفتش ع كوز ثالث
هي و راكضة، بتخبط بحدا مش مالوف
الاثنين نقزوا بس هو كمل يللي عم يعمله.
كر كر كر كر كر
كرررركررركرر كان عم يأكل كوز صنوبر! لفه مثل الدرا
وصل لالراس وبطل يكر!
قالت الفارة
لاه لاه لاه ليش تركت الراس
أطيب شقفة بالكوز
ممممم أهلا يا فارة
رد السنجاب مصدوم
أهلا فيك، مين الي جايي عبيتي مش معزوم؟
أنا السنجاب جارِك
بسموني ابو سنان كبار
جايي من هونيك (دل باليد)
من غابة البلوط والسنديان
الي صار فيها حريق
وراحت السنديانة الي كنت فيها نام
جيت فتش عبيت جديد
اووف اسفة يا سنجاب انو بيتك راح
بيتنا هون بشجرة هالصنوبر
الي كل السنة بتضلها خضرا
مثل شجرة السنديان الي كنت فيها تنام
و طلعت ببذيلها و دلته وين بيتها و قالتلو
اتفضل اذا حبيت بقلب هالشجرة تعمّر بيت..
تأثر السنجاب بطيبة وكرم هالفارة الصغيرة
ابتسم من الدينة للدينة وقدملها بقية الكوز هدية
يسلمو!! يسلمو!!يا أبو سنان كبار
ويوم بعد يوم لعبوا سوا بمرح
و حفرو جور و ملوهم بكوازصنوبر لفصل الشتاء
وهيك بعد ما صاروا أصحاب
فهمت الفارة ليش السنجاب بيترك أطيبب شقفة من الكوز
لأنو لما يوصل لفوق
ما بيقدر يكدش الراس من كتر ما سنانو كبار
راحو الأيام و اجو الأيام
السنجاب انبسط كتير لان لقى بيت جديد
والفارة انبسطت كتير لان لقت صديق عجيب
يشاركها مغامراتها
بغابة الصنوبر والسنديان
والبطم والبلوط والوزال
بغابة بعبدا في لبنان
❤️
