في لَيلةٍ عاصِفة، وَقَعَت صخرةٌ كبيرة على في مَدخَلِ مغارةٍ ينامُ فيها صِغارُ الواوي. كَيف سينزع حيوانات الواوي الصخرة الكبيرة؟
ذاتَ صباحٍ في الغابة، وَجَدَ ألأطفالُ بومة مكسورةَ الجناح في الشجيرات وقَرّروا أن يساعِدوها. سَمّوها ”لولو بُمبُم“. تُصبِحُ شخصِيّة ”لولو بُمبُم“ راويةً لقصّة ”ليلة عاصفة“ عن التعاون والمجتمع التشارُكي.
.مغامرة بغابة بعبدا
مرحبا يا أصحابانا.
أنا بومة الهامة لي ساعدتوني وسميتوني لولو بوم بوم، بتتذكروني؟
انا ممنونة كتير الكن.
بفضلكن رح يصح جانحي ورح ارجع قريبا طير وحلق فوق الغابة.
وحتى قلكن شكرا رح خبركن قصة.
قصة عن مجموعتين من أصحابنا الواوية لي عايشين بالغابة، لي هني متلي عفكرة بيطلعوا بالليل.
قصة عن الصداقة والشجاعة وقوة المجموعة ومساعدة الغير متل ما انتو ساعدتوني.
الحكاية الي رح نحكيها، هي مغامرة صارت بالغابة هون.
القصة وما فيها بلشت من فوق، عند الخروبة الكبيرة لي انا بنام على اغصانا.
،ست واوية ربيوا وكبروا وفرحوا بغابة بعبدا فيها عملوا سوا مغامرات، وخططوا سوا لنشاطات.
تحت هالخروبة صارت كل المشاورات.
المجموعة التانية من الواوية عايشين بآخر الغابة وكمان فيها عملو سوا مغامرات وخططوا سوا لنشاطات.
وعند الكهف لي حد الصالون صارت كل المشاورات.
يا اصحابي بليلة من الليالي الباردة كتيروالريح عم يضرب بالشجر ويعمل صفير
كل حيوانات الغابة تخبو حتى العصافير.
بس الواوية لي عند الكهف كانوا عم يواجهوا مشكلة
انا وطايرة من فوقن سمعت آووو آوووو
قربت.. وشفت انو من قوة العاصفة، صخرة كبيرة وقعت وسكرت باب الكهف..
الصغار نايمين جوا بالكهف“
”ساعدينا يا لولو بوم بوم.. بدنا مساعدة كل الواوية حتى نزيح الصخرة“
طرت بسرعة بقلب العاصفة والرياح القوية لعند الخروبة الكبيرة وخبرت الواوية عن المشكلة لي واقعين فيا اصحابنا!
الواوية قرروا ينطلقوا بمغامرة للمساعدة من دون تردد
بتقول وحدة من الواوية يسموها ’عصوبة‘ : ”مننطلق الليلة، بعد معنا ٦ ساعات قبل طلوع الضو.. اذا مشينا بقلب الغابة منوصل منساعد..أصحابنا ومنرجع عالوقت
“ .برد احد الواوية لي اسمو ’فرود‘ : ”انا بقول نطلع ونمشي من فوق لأن
..وقبل ما يكفي كلامو ’فرود‘.. قاطعته ’عصوبة‘ :“ لا.. لا.. منمشي بقلب الغابة اسرع.. شو بدكن فيه لفرود.. ما تردوا عليه“
”بس العاصفة قوية كتير والشتي عم يجرف أغصان وصخر واذا مشينا بقلب الغابة في خطر علينا“ بقول فرود
”انت ما بتعرف بالمغامرات، انا بعرف اكتر منك واكتر منكن كلكن، سمعوا مني.. يلا.. جاهزين؟؟ ”
’ترددوا شوي الواوية.. بس رجعوا لحقوا ’عصوبة
و’فرود‘ زعل، وراح وصار يمشي لحالو باتجاه الجبل
انطلقوا الواوية الخمسة بالمغامرة
وكانت العاصفة عم تقوى وتقوى
السما ملبّدة بالغيوم السودا والشتي عم ينزل مثل حبات الرز
فرود‘ كان وصل عالجبل العالي وعم يمشي صوب الكهف‘
..وكان راق شوي من الزعل وبلش يفكر
”انا ليش زعلت وتركت اصحابي؟ ليش ما دافعت عن رأيي اكتر وبقيت معهم؟“
وهيك هو وعم يفكر بلش ينزل صوب اصحابو بالغابة..
بهالوقت كان واحد من الواوية الخمسة عم يقول للكل هن وعم يمشوا
”يا ريت ما تركنا ’فرود‘ لحاله.. نشا يكون منيح تحت هالشي القوي“
..فجأة ومن قوة الريح انكسر جذع سنديانة ووقع وخبط دغري حدن.. خافوا كتير لان كان ممكن يجي عليهن ويتأذوا
”..كان معو حق ’فرود‘.. كان احسن نمشي من فوق“
..قالت وحدة من الواوية بخوف
بس ’عصوبة‘ لي كانت ماشية اول وحدة.. ما ردت وبعد ما تأكدت انو الكل مناح.. كفّوا مشي
فرود‘ هو وعم ينزل من الجبل بلحظة شاف أصحابوا الواوية الخمسة عم يمشوا بقلب العاصفة القوية‘
انبسط كتير.. بس فجأة شاف انو المي القوية جارفة جذع كبير صوبن.. خاف عليهن كتير وصرخ بأعلى صوتو أوووو أوووو..
سمعوا كلن واتطلعوا لفوق على ’فرود‘ لي كان بعدو عم يصرخ أوووووو كانو بو شي
اتطلعت ’عصوبة‘ لقدام وشافت الجذع جايي بقوة وبسرعة صوبن، وصرخت أووووو..الكل زاح.. ومرق الجذع وما حدا صرلوا شي
فرود‘ ركض بسرعة وبس وصل عند أصحابو فرح فيهن وفرحو فيه’“
انا زعلت تركتكن، هون خطر يا اصحابي، تعوا نطلع شوي صوب الجبل ونمشي، كرمال نبعد عن الخطر، شو رأيكن“
الكل وافق و’عصوبة‘ ما قالت شي.. بس مشيت معهن
من بعد هيك، كانت الطريق أسهل ووصلوا الواوية لعند المجموعة التانية وسوا.. كل الواوية.. بدفعة وحدة.. وصوت واحد.. أوووو..
زاحوا الصخرة وطلعوا الواوية الصغار لحضن اهلن..
وقف اكبر واوي من المجموعة التانية على صخرة كبيرة
”!شكرا يا واوية بعبدا لولاكم ما قدرنا نزيح الصخرة
شكرا يا بومة الهامة.. يا لولو بوم بوم
لولاكي ما قدرنا نجمع الواوية
يا أصدقائي.. فرحنا كلنا ورقصنا من الفرح“
حتى ’عصوبة‘ رقصت! شفتا عم تقرب من ’فرود‘ وسمعتها عم تعتذر منووقربوا من بعض وسوا عملو أو ووو
هيدي حكايتنا حكيناها
لاطفالنا بالغابة قدمناها
مثل ما انتو ساعدتونا بشجاعة
الواوية ساعدوا بعضهم بشجاعة
رح خلي عيني عليكم
حتى شوفكم واحميكم
بطل عليكم من وقت للتاني
وانا وطايرة فوق ببعتلكن سلامي
